Juleverkstad på Torvikbukt Skule

Torvikbukt skule hadde juleverkstad onsdag 15. desember. Mange nisser var samla på skulen denne dagen. Elevane og dei vaksne ved skulen hadde på seg nisseluer og nissedrakter. Det vart julestemning av å ha så mange nisser samla til juleverkstad. Til felleslunsj fekk nissene graut, noko som var veldig populært. Grauten var verkeleg god for dei små og store nissene. Det var viktig å få skikkeleg graut i magen for å lage så mykje fint til jul.
 
Dei minste nissene laga risnissar og måla på gryteunderlag. I tillegg hadde dei ein musikkstasjon med innøving av julespel.
 
Mellomtrinnsnissene sydde posar til pepparnøtter. dekorerte på boksar, laga kremmarhus og julekuler. Dersom dei vaksne har vore snille mot smånissene i tida før jul, kan det hende noko befinn seg under juletrea i Torvikbukt på julaften. Vi understrekar at det berre er for dei som har vore snille!